Autoenplegurako ostatu arloko lanpostuak sortzeko aukera
📢 ARANOKO KONTZEJU OSTATUA ETA ETXEBIZITZA KUDEATZEKO DEIALDIA IREKITA
Aranoko kontzeju ostatua eta etxebizitza alokairuan jartzen duen deialdia irekita dago.
🕖 Proposamenak aurkezteko epea 2026ko ekainaren 4tik ekainaren 18ra, 12:30ak arte izango da.
📍 Aurkezteko tokia: Aranoko Udaleko Idazkaritzan.
Aranoko Udala. Harrera ordutegia: aldez aurretik egiaztatzea gomendatzen da. Tel. 948514045
Pleguak kontsultatu hemen: Detalle anuncio Web orria: https://arano.eus/
💫 DENOK EGITEN DUGU ARANO! 💫
Kudeaketarako argibideak eta baldintzak:
| Datu orokorrak |
| 👥 Biztanleria: 108 biztanle (INE 2025). Herri txikia eta gertukoa, komunitate sendo eta lagunkoi batekin. 📍 Kokapena: Nafarroako ipar-mendebaldean dago, Gipuzkoako mugan: Hernanitik 25 minutu ingurura eta Donostiatik 30 minutu eskasera errepidez. 🌄 Ingurunea: Haranez eta mendiz inguratua, natura paregabea eta isilpeko paisaiak eskaintzen ditu. Ondare megalitikoa du eta Artikutza bezalako eremu natural babestua gertu du. 🛠️ Zerbitzuak eta baliabideak: -Udalak jardueraren euskarri diren lokalak eta instalazioak jartzen ditu. -Udalak Cederna Garalurren bitartez (garapen agentzia) ekintzailetzaren sustapenerako laguntza eskaintzen du. |
| Aranoko Udalak Kontzeju Ostatua errentan eskaintzen du lizitazio publiko bidez. Negozioak taberna-jatetxe zerbitzua eta oinarrizko zein tokiko produktuen salmenta puntua uztartzen ditu, herritarrei eta bisitariei zerbitzua emateko. Kudeaketarekin batera udaletxeko 2. solairuko etxebizitza, biltegia eta lokaleko ekipamendua erabiltzeko aukera dago. |
| Bezero segmentuak |
| • Aranoko herritarrak • Inguruko herrietatik datozen bisitariak • Mendizaleak, txirrindulariak eta natur turismoari lotutako bisitariak • Herrira lanera edo ekitaldietara datozen pertsonak |
| Balio proposamena |
| • Herriko ostatu bakarra izateko aukera, komunitatearekin lotura estua sortuz. • Alokairu eskuragarria eta udalaren babesa. • Km0 eta tokiko produktuak erakusteko eta saltzeko aukera. • Herriarekin batera jarduerak antolatzeko aukera. • Turista eta bisitariak erakartzeko aukera. |
| Kudeaketa |
| Zerbitzu publikoaren emakida bidez kudeatuko da. Esleipendunak bere gain hartuko ditu ustiapenaren antolaketa, langileak, bezeroen arreta eta taberna-jatetxearen eguneroko funtzionamendua, hala nola; garbiketa, mantentze arrunta eta jardueraren arrisku ekonomikoa. Euskarazko zerbitzua bermatu beharko da. |
| Zeregin nagusiak |
| • Taberna eta jatetxe zerbitzua eskaini eta pleguetan jasotako ordutegi minimoak bete. • Oinarrizko produktu eta tokiko produktuen salmenta puntua kudeatu. • Herriko ekimen edo jardueretan laguntzea. • Instalazioen eta ekipamenduen mantenimendu egokia egitea. |
| Arriskuak eta kontuan hartu beharrekoak |
| • Eskariaren urtarokotasuna eta diru-sarreren aldakortasuna. • Gutxieneko irekiera-egutegia eta ordutegiak betetzeko langile-antolaketa. • Ostalaritzako araudia eta lizentziak bete behar dira. • Eraikinaren erabilera arduratsua, higiene eta segurtasun arauak betetzea. • Kaudimen ekonomikoa, erantzukizun zibileko asegurua eta administrazio-dokumentazioa behar bezala prestatzea. • Euskarazko arreta eta zerbitzuaren kalitatea bermatzea. |
| Hazkunde aukerak |
| • Ostalaritza zerbitzuarekin batera oinarrizko produktuen salmenta eta tokiko produktuen eskaintza garatzea, tokiko ekoizleekin lankidetzan. • Herritarrentzako jarduera eta topaketak antolatzea, ostatuaren inguruan komunitate bizitza indartzeko. • Natur turismoari lotutako zerbitzu osagarriak garatzea (mendizale eta bisitarientzako eskaintzak). • Sare sozialen eta kanal digitalen bidez ostatuaren promozioa indartzea eta bisitari berriak erakartzea. |
| Lizitazio bidezko prozesua |
| 📅 Eskaerak aurkezteko epea: 2026ko ekainaren 4tik ekainaren 18ra, 12:30ak arte. Aurkeztu beharreko dokumentazioa: Proposamenak gutun-azal itxi batean aurkeztu beharko dira, pleguan jasotako baldintzen arabera. Barruan hiru gutun-azal sartu beharko dira: 1. gutun-azala: dokumentazio orokorra. 2. gutun-azala: proposamen teknikoa. 3. gutun-azala: proposamen ekonomikoa. |
| Lizitazioko irizpidideak |
| 📍 Aurkezteko tokia: Aranoko Udaleko Idazkaritzan. ⚖️ Balorazio irizpideak: Eskaintzak gehienez 100 punturekin baloratuko dira: -eskaintza ekonomikoa (50 puntu) -proposamen teknikoa (50 puntu): tabernaren kudeaketa plana (35 puntu), herri dinamizazioa eta turismoari arreta (10 puntu), osagarrizko zerbitzuak (5 puntu). |
| Kontratuaren baldintzak |
| 💶 Gutxieneko alokairua: 400 € hilean, BEZik gabe. Fidantzak: Lizitazioan parte hartzeko, 800 €-ko behin-behineko fidantza aurkeztu beharko da. Esleipena jaso ondoren, pertsona edo enpresa adjudikaziodunak behin betiko fidantza jarri beharko du, hiru hileko errentari dagokion zenbatekoarekin. 📅 Kontratuaren iraupena: urte 1. Epea amaitutakoan, berariaz luzatu ahal izango da, gehienez beste 4 urtez. 🏠 Etxebizitza barne: ostatuaren kudeaketarekin batera udal eraikineko etxebizitza erabiltzeko aukera. 📦 Biltegia eta ekipamendua: Taberna, etxebizitza eta biltegia dagokion inbentarioan jasotako altzari, ekipamendu eta instalazioekin entregatuko dira. |
| Kontaktua |
| Aranoko Udala. Harrera ordutegia: aldez aurretik egiaztatzea gomendatzen da. Tel. 948514045 Pleguak kontsultatu hemen: Detalle anuncio Web orria: https://arano.eus/ |