Baratzea modu ekologikoan lantzeko oinarriak zeintzuk diren ikusi eta ikasteko aukera izanen da ekainaren 18an. Lekunberriko udaletxean, 17:00etan hasiko da formazio saioa, hiru orduko iraupena izanen du, eta azalpen teorikoen ondotik, herriko baratzeetara joanen dira ikasitakoa praktikan jartzera. Udazkenean, bigarren saio bat egiteko asmoa dute. Nafarroako Gobernuak finantzatuta, Rural NAV proiektuaren barrenean, Cederna Garalur elkarteak antolatu dituen formazio saioak dira.

Izen-emateak ekainaren 14a baino lehenago egin behar dira kultura@lekunberri.eus helbidera edo 621 15 04 55 telefonora idatzita.