Jendetza bildu zen irailaren 1ean Lekunberrin egindako Nekazari Egunean. Larraungo eta Lekunberriko udalek eta Cederna Garalurrek antolatu zuten hitzordua eta Mendialdeko abeltzain, nekazari eta ekoizleentzat plaza paregabea izan zen.

Zaldi aziendak izan ziren eguneko protagonista nagusienetakoak eta agerian gelditu zen Mendialdeko ekonomia, kultura eta paisaia tradizionalean izan duten garrantzia. Mendialdeko ustiategietako 100 abelburu baino gehiago jarriko zituzten ikusgai eta 50 buru baino gehiago salmentarako. Gainera, Mendialdeko Azoka Ibiltaria ere egun berean egin zuten eta eskualdeko artisau eta nekazariek jarritako 28 postuetan bertako produktu ugari erosteko aukera izan zen.

ARGAZKIAK: Plazaola Partzuergo Turistikoa