Cederna Garalurrek laguntza hau eta beste hainbat izapidetzeko laguntza eskaintzen dugu, baita ekintzailetzan orientazio pertsonalizatua ere, Nafar Lansarearen finantzaketarekin. 

Laguntzaren laburpena: 

Xedea eta helburua 

• Landa-eremuetan enplegua eta garapen ekonomikoa sustatzea. 
• Nekazaritza jardueren diru-iturriak dibertsifikatzea eta nekazaritzaz  bestelako jarduera berriak sortzea.
• Belaunaldi-errelebuan eta biztanleria finkatzen laguntzea. 

Aurreikusitako jarduera motak 

• Ingeniaritzako, arkitekturako, aholkularitzako edo albaitaritzako zerbitzu profesionalak, teknikoak edo bestelakoak.
• Informazioaren teknologiei, informatikari edo bestelakoei lotutako jarduerak. 
• Jarduera artistikoak eta/edo artisautzakoak garatzea.
• Gizarte zerbitzuak ematea.
• Nekazaritzaz bestelako jardueretarako lantegiak, industriak, lokalak edo instalazioak ezartzea.
• Produktuak eraldatzea eta merkaturatzea, ondoriozko produktua Europar Batasunaren Funtzionamenduari buruzko Tratatuaren I. eranskinean agertzen ez bada.
• Edozein sektore ekonomikotarako zerbitzuak ematea, nekazaritza eta basogintza barne, edo landa eremuko populaziorako zerbitzuak.
• Bioekonomia zirkularreko jarduerak.
• Nekazaritza-turismoko, landa turismoko, aisialdiko edo ostalaritzako jarduerak, jolas edo kirol jarduerak, edo lurralde garapen ekonomikoari lotutakoak.

Laguntzaren onuradunak 

Hiru tipologia desberdin daude: 

A. Nafarroako landa eremuan kokatutako nekazaritza-ustiategiekin ondoko loturaren bat duten pertsonak (2. Oinarriaren arabera): 

1. A.1 motako prima: Nafarroako Nekazaritza Ustiategien Erregistroan (REAN) inskribatuta daudenak eta beren nekazaritza-jarduera dibertsifikatu nahi dutenak. 

2. A.2 motako prima: REANen skribatutako nekazari profesionalen lehen mailako senideak eta jarduera berri bat sortzen dutenak. 

B. B.2 motako prima: Despopulazio-arrisku berezia duten landa-udalerrietan (1etik 5era arteko graduak, Foru Agindua 8/2023, I. eranskina) jarduera berri bat sortzen duten pertsona fisikoak. 

Baldintza nagusiak 

• 18 eta 61 urte bitarteko adina izatea. 
• Aurreko deialdietan laguntza horren onuradun ez izatea. 
• Deialdi hau argitaratu aurreko bost urteetan antzeko jarduera batean alta emanda egon ez izana. 
• Zerga betebeharrak eta Gizarte Segurantzarekikoak egunean izatea. 
• Jarduera gauzatzeko beharrezko baimenak izatea, eta eragindako arloei dagokienez Nafarroako Gobernuaren onespena edukitzea. 
• Enpresa-plana aurkeztea. 
• Hautaketa-irizpideetan gutxieneko 24 puntu lortzea (deialdiaren 9. oinarria). Deialdiak lehiaketa-izaera du. 

Laguntza motak 

• A.1 mota: Nekazari profesionala, jarduera partziala → 20.000 €. Gutxieneko diru-sarrerak: 6.000 €. 
• A.2 mota: Nekazari profesionalaren senidea, jarduera nagusia → 40.000 €. Azken diru-sarreren portzentajea %49tik gorakoa izan behar du eta gutxienez 12.000 euroko diru-sarrera izatea lortu behar da. 
• B.2 mota: Despopulazio arriskuko udalerrian bizi den pertsona fisikoa, jarduera nagusia → 40.000 €. Azken diru-sarreren portzentajea %49tik gorakoa izan behar du eta gutxienez 12.000 euroko diru-sarrera izatea lortu behar da.
• Ordainketa bi fasetan: %50 hasieran (2026an) eta %50 enpresa-plana gauzatu ondoren (2028an). 

Aurkezteko epea

Laguntzak 2026ko urtarrilaren 19ra arte eskatu ahal izango dira.

Hau deialdiaren laburpen bat da. Aurkezteko asmoa baduzu, kontsultatu informazio guztia diru-laguntzaren oinarrietan. 

Eskaera aurkezteko informazio edo laguntza gehiago behar duzu?

Jarri gurekin harremanetan: 

mendialdea@cederna.es helbidera idatziz edo 617 609 328 telefonora deituz.