Cederna Garalur elkarteak, RuralNav lankidetza-proiektuaren testuinguruan, funtsezko ekintzak garatzen ari da Nafarroako Mendialdeko demografia eta zaintza erronkei aurre egiteko. Ekimen propio horiek RuralNav estrategia globala (landa-eremua biziberritzera bideratua) biribiltzen dute.

Cederna Garalurren ekarpen nabarmenetako bat funtsezko baliabideen katalogo bat egitea izan da, Nafarroako Mendialdea bere etxe gisa aukeratzen duten biztanle berrien integrazioa errazteko diseinatua. Tresna honen helburua bere etorrera eta sustraitzea sinplifikatzea da, eguneroko bizitzarako ezinbesteko informazioa eskainiz.

Aldi berean, erakundeak Mendialdea eskualdeko adinekoen zaintzako ekosistemari buruzko ikerketa bat osatu du. Landa-azterleta hori Mimukai aholkularitzarekin eta funtsezko lurralde-eragileen sare batekin lankidetza estuan egin da, (oinarrizko gizarte-zerbitzuak, udalak eta tokiko elkarteak barne) lurraldearen premien ikuspegi integrala eta adostua bermatuz.

Cederna Garalurren ekintza espezifiko horiek RuralNav proiektuko lan komunei gehitzen zaizkie. Horien artean, Likadi aholkularitza-enpresak zainketen ekonomian negozio-eredu berriei buruz egindako ikerketa nabarmentzen da. Txosten honek ikuspegi sozial eta holistiko handia du, eta funtsezko alderdiak jorratzen ditu, hala nola genero-ikuspegia, zainketen lanaren duintasuna, beharrezkoa den lankidetza publiko-pribatua eta Zainketen aldeko Tokiko Itunak sustatzea.

RuralNav proiektuan Cederna Garalur elkarteak eta EDER, TEDER eta Erdialdeko Partzuergoak parte hartzen dute. Nafarroako Gobernuko Tokiko Administrazioko Departamentuak finantzatzen du RuralNav, eta bere helburua da erronka demografikoari eta landa-eremuen despopulazioari aurre egitea, ekintza berritzaileen bidez