Nekazaritza politikak, orokorrean, gobernu zentral eta autonomikoen eskumena diren arren, tokiko entitateek lan handia egin dezakete tokiko elikadura sistemak eraikitzeko eta sendotzeko eta elikagaien ekoizpena bultzatzeko.

Gaur egun, elikadura ez da politika-arlo gisa kontsideratzen eta arlo ezberdinetan eta zeharka lantzen da gehien bat. Beraz, tokiko elikadura sistemak egituratzeko eta indartzeko askotariko arlotan egindako lana garrantzitsua da. Esaterako, elikadurarako eskubidea, jangela publikoen elikadura-eredua, erosketa publikoa, ekimen kulturaletako elikadura-eskaintza, eskoletako kurrikulum akademikoa, merkataritza txikia, edota zaintza eredua, tokiko elikadura sistemaren parte izan daitezke.

Mendialdean elikagaien ekoizpenari zein tokiko elikadura sistemari bultzada emateko asmoz, gai horiek guztiak lantzeko jardunaldia antolatu du Mendialdeko Elikadura Mahaiak. Ekainaren 4an izango da, arratsaldez, Mimukain (Leitzan). Batetik, arlo ezberdinetatik tokiko elikadura sistemak egituratzeko eta sustatzeko ekimenak eta tresnak ezagutuko ditugu; bestetik, ekoizpena bultzatzeko tokiko erakundeek sustatutako esperientziak.

Mendialdeko elikadura sistema egituratzen eta bultzatzen segitzeko ekimena izatea espero dugu eta, horretarako, denon parte-hartzea garrantzitsua izango da. Beraz, gorde data, eta adi egon,  laster egitaraua zabalduko baitugu!

Bitartean, informazio gehiago nahi izatekotan, idatziguzu: